Этносаралық ксенофобия проблемасы және ЭЫДҰ елдерінің озық тәжірибесі негізінде оны жеңу жолдары

Жоба тақырыбы: «Этносаралық ксенофобия проблемасы және ЭЫДҰ елдерінің озық тәжірибесі негізінде оны жеңу жолдары».

Зерттеу нысаны - қазіргі қазақстандық қоғамдағы этносаралық ксенофобия проблемасы.

Зерттеу пәні - этносаралық ксенофобия проблемасын және ЭЫДҰ елдерінің озық тәжірибесі негізінде оны жеңу жолдарын зерттеу.

Зерттеудің мақсаты - этносаралық ксенофобия мәселесін талдау, Қазақстан Республикасындағы ксенофобияға қарсы іс-қимылдың тиімді механизмін жасау.

Міндеттер:

• қазақстандық қоғамдағы негізгі фобияларды анықтау және ксенофобия дамуының әлеуметтік-экономикалық жағдайларын талдау;
• ксенофобияның таралу қаупіне ұшыраған аймақтар мен қоғамдастықтардың, этникалық топтар мен халықтың әлеуметтік қабаттарының картасын жасау;
• республикада, оның ішінде аймақтар бойынша ксенофобия мен ұлтаралық жағдайдың дамуына еңбек көші-қонының әсерін талдау;
• Қазақстандағы әртүрлі әлеуметтік және этникалық топтардағы ксенофобия деңгейін анықтау;
• ұзақ мерзімді негізде ксенофобия қаупін жеңу үшін жобалар әзірлеуге және қоғамдастықтармен жұмыс істеуге қабілетті тұрақты сарапшылар мен қоғам белсенділері желісін қалыптастыру;
• қауіп-қатер топтарына (мигранттар, оралмандар, ауыл тұрғындары, шағын қалалардың тұрғындары) баса назар аудара отырып, көп ұлтты қоғамда жастар арасында бейбітшілік мәдениетін, діни көзқарастарды, мәдениетті, өмір салтын құрметтеу, ксенофобияның алдын алу және оларға бейбітшілік мәдениетін үйрету бойынша нақты ұсыныстар мен ұсынымдар әзірлеу.

Зерттеу әдістері: республикалық іріктеме саны 3200 респонденттен тұратын Қазақстан халқына жаппай сауалнама жүргізу; БАҚ және этносаралық қатынастар саласындағы 20 сарапшыға сауалнама жүргізу; 50 терең сұхбат (этникалық оралмандармен 25 сұхбат және еңбек мигранттарымен 25 сұхбат).

Іріктеме

Іріктеме мөлшері 3200 респондентті құрады. Әлеуметтанулық зерттеу аумағы Қазақстан Республикасының барлық облыстарын қамтыды: 14 облыс және 3 республикалық маңызы бар қала (Астана, Алматы және Шымкент).