Зерттеу тақырыбы: «Қазақтардың әлеуметтік дифференциациясы»
Нысаны. Қазақстанда тұратын 18 жастан асқан қазақтар
Пәні. Қазақтар арасындағы әлеуметтік дифференциацияның тамырлануына әсер ететін факторлар.
Мақсаты. Қазақтардың әлеуметтік дифференциациясын зерттеу
Міндеттер.
- қазақ қоғамының әлеуметтік құрылымындағы негізгі әлеуметтік қабаттарды анықтау;
- ұлттық және азаматтық бірегейлікті анықтау факторларын зерттеу;
- қазақ қоғамын бөліп, біріктіретін өлшемдерді анықтау;
- қазақ халқының әлеуметтік және кәсіптік бағдарының ерекшеліктерін зерттеу және жаңа кәсіби қабаттарды анықтау;
- әлеуметтік мобильділіктің траекториясы мен динамикасын анықтау;
- қазақтардың саяси бағыттары мен сайлау тәртібін анықтау;
- қазақ халқының тұтынушылық мәдениетін олардың әлеуметтік дифференциациясын ескере отырып анықтау;
- мемлекеттік институттарға сенім деңгейі және даму болашағын бағалау;
- сараланған қоғамдастықтың ажырамас әлеуметтік өзегін қалыптастыру механизмдері мен тәсілдері бойынша ұсынымдар әзірлеу.
Әлеуметтанулық зерттеу әдістері
Бұл кешенді зерттеуде ақпарат жинау әдістері:
- 18 және одан жоғары жастағы тұрғындар арасында «face-to-face» жаппай сауалнама жүргізу. Бұл әдіс елдегі этносаралық қатынастарға қатысты халықтың пікірі туралы барынша объективті ақпарат береді;
- жергілікті белсенділермен, жастармен, зиялы қауым, бизнес, менеджмент өкілдерімен терең сұхбаттасу.
Іріктеме жиынтық көлемі
- Жаппай сауалнаманың іріктеме жиынтық көлемі - Нұр-Сұлтан, Алматы, Шымкент және Қазақстан Республикасының 14 облыстарының зерттелетін аймақтарынан 6800 респондент;
- Терең сұхбаттардың жалпы саны - Нұр-Сұлтан, Алматы, Шымкент және Қазақстан Республикасының 14 облыстарының зерттелетін аймақтарынан 200 респондент;
Қазақстандағы этникалық топтардың азаматтық біртектілігі және интеграциясы мәселелері бойынша форсайт-зерттеу
