Қазақтардың біріктіру және жаңғырту әлеуеті

Зерттеу тақырыбы: «Қазақтардың біріктіру және жаңғырту әлеуеті» форсайт- зерттеуі.

Мақсаты. Қазақтардың біріктіру және жаңғырту әлеуетін анықтау, нығайтушы өзек ретінде қазақтардың әлеуетін дамыту бойынша болжам жасау және ұсынымдар әзірлеу.

Нысаны. Қазақтар.

Пәні. Нығайтушы өзек ретіндегі қазақ этносының әлеуетін дамыту шаралары. 

Міндеттер:

• қазақ халқының біріктіру және жаңғырту әлеуетіне негізделген азаматтармен сындарлы диалог құру жөніндегі шараларды әзірлеу;
• қазіргі заманғы қазақстандық қоғамдағы олардың миссиясы, орны мен рөлі туралы қазақтардың көзқарасын анықтау;
• тұтастық пен жалпы азаматтық бірегейлікті қалыптастыратын шаралар бойынша ұсынымдар әзірлеу;
• нығайтушы өзек ретіндегі қазақ этносының әлеуетін дамыту шараларын анықтау;
• мемлекеттік қызметшілерге халықпен жұмыс бойынша әдістемелік ұсынымдар дайындау;
• этносаралық келісімді нығайту жөніндегі жұмыста тұжырымдамалық тәсілдерді дамыту;
• шешім қабылдау процесіне қоғамның қатысу тетіктерін әзірлеу.

Әдістер:

Қазақтардың біріктіру және жаңғырту әлеуетін зерттеу барысында келесі сапалы зерттеу әдістері қолданылды:

1. Фокус-топ пікірталастары;
2. Сараптамалық сауалнама.

Зерттеу іріктемесі.

Фокус-топтар Қазақстанның алты облысында өтті. Фокуc-топтарды ұйымдастырған кезде мыналар ескерілді: елді мекеннің қалалық және аймақтық маңызы; аудандарды таңдауда әкімшілік бөліністер емес, аймақтық ерекшеліктер, тілдік орта, моноэтникалық қазақ халқының құрылымы атап көрсетілді. Аймақтардағы фокус-топтар қала мен аудан орталығында өткізілді.