Қазақстан халқы Ассамблеясының Ғылыми-сарапшылық кеңесінің жұмыс отырысы өтті

Іс-шараға Қазақстан Республикасы Президенті Әкімшілігінің ҚХА Хатшылығының өкілдері, ҚР МАМ Этносаралық қатынастарды дамыту комитетінің өкілдері, ҚХА Ғылыми-сарапшылық кеңесінің мүшелері, ҚХА өңірлік ғылыми-сарапшылық топтары, ҚХА ҒСК жанындағы Жас ғалымдар клубының мүшелері, сондай-ақ бұқаралық ақпарат құралдарының өкілдері қатысты.

Отырыс модераторы ҚХА Ғылыми-сарапшылық кеңесінің төрайымы, Қолданбалы этносаяси зерттеулер институты директорының орынбасары, әлеуметтану ғылымдарының докторы Айгүл Садвокасова болды.

Отырыстың негізгі бөлігі ҚР ПӘ Қазақстан халқы Ассамблеясы Хатшылығы меңгерушісінің орынбасары Щегорцова Анастасия Геннадьевнаның алғы сөзінен басталды.

Алғашқы болып ҚХА ҒСК Жас ғалымдар клубының тең төрағалары Бейсенбаев Олжас Түсіпбекұлы мен Отар Эльмира Сәкенқызы сөз сөйледі. Олар «ҚХА ҒСК ЖҒК-ның құрылу барысы, 2025 жылға арналған жұмысы және іске асыру жоспарлары туралы» тақырыбында сөз сөйледі.  

Отырыста Қазақстан Республикасының Ұлттық академиялық кітапханасының библиография секторының жетекшісі Қадылбек Арай сөз сөйледі. Спикер Қазақстан халқы Ассамблеясының 30 жылдығын мерекелеу қарсаңында әзірленген «Қазақстан халқы Ассамблеясы» электронды библиографиялық көрсеткішін таныстырды. Көрсеткішке ҚХА ҒСК мүшелері мен этносаралық қатынастар саласындағы жетекші мамандардың зерттеу еңбектері енгізілген.

Қазақстан халқы Ассамблеясы ҚР Ұлттық академиялық кітапханасының ұжымына қайрымдылықты, рухани бірлікті, достық пен этносаралық ынтымақтастықты нығайтудың гуманистік мұраттарына қосқан белсенді еңбегі, сондай-ақ «Қазақстан халқы Ассамблеясы» электронды библиографиялық көрсеткішін әзірлеуге қосқан зор үлесі үшін шынайы алғысын білдірді.

Кездесу пікір алмасумен аяқталып, қатысушылар Қазақстандағы этносаралық келісімді ілгерілетуде жастар бастамаларының маңыздылығын атап өтті.

Отырыс қорытындысы бойынша Жас ғалымдар клубының бастамаларын қолдау және этносаралық келісім мен бірлік мәселелері бойынша ғылыми зерттеулерді одан әрі жүйелеу туралы шешім қабылданды.

Қазақстан халқы ассамблеясының библиографялық көрсеткіші