Көрісу күні құтты болсын!

Бүгін, 14 наурыз – Қазақстанда ежелден табиғаттың жандануын және адами қарым-қатынастардың жаңаруын бейнелейтін Көрісу күні, яғни кездесулер мен сәлемдесу күні атап өтіледі. Қазақ халқының терең тарихынан бастау алған бұл мереке қонақжайлылықтың, үлкенге құрмет пен ұрпақтар сабақтастығының символы.

Ертеде қыстың қатаңдығы адамдарды бір-бірінен алыстатып, қарым-қатынасты үзуге мәжбүр етті. Сондықтан көктемнің келуі – көптен күткен қуаныш, туған-туыстармен, көршілермен қайта қауышып, бір-бірін ұзақ қыстан аман-есен шығуымен құттықтайтын ерекше мүмкіндік болды. Көрісу салты – қазақы жылулық пен ізгі ниеттің көрінісі, бейбітшілік пен бірліктің белгісі. Бұл күні құшақтасып, денсаулық пен амандық тілеп: «Бір жасыңмен!» – «Тағы бір өмір жылы артта қалды» деген ізгі сөздер айтылады.

Көрісу күні – тек көктемнің келуін тойлау ғана емес, аға буынға құрмет көрсетіп, отбасылық және достық байланыстарды нығайтудың маңызын еске салатын күн. Дәстүр бойынша, қазақстандықтар ұлттық киімдерін немесе оның элементтерін киіп, ата-бабаларға деген құрметін білдіреді.

Қолданбалы этносаяси зерттеулер институтының ұжымы барша қазақстандықтарды Наурыз мерекесін қарсы алу онкүндігінің басталуымен құттықтайды!

Әр шаңыраққа бақ-береке, молшылық пен жылулық тілейміз!