Қонаев қаласында этномедиаторларды даярлау мақсатында семинар-тренинг өтті

2024 жылғы 20-24 мамыр аралығында ҚР мәдениет және ақпарат министрлігі Этносаралық қатынастарды дамыту комитетінің тапсырысы бойынша Қолданбалы этносаяси зерттеулер институтының Этномедиация орталығы өңірлік және жергілікті деңгейдегі этномедиаторларды даярлау мақсатында 5 күндік семинар-тренингті өткізді.

Іс-шараның мақсаты жергілікті деңгейдегі этномедиаторларды дайындау және этносаралық шиеленісті жедел режимде анықтауға, уақтылы әрекет етуге және туындаған дауларды оқшаулауға қатысуға қабілетті далалық этномедиаторлар пулын қалыптастыру болып табылады.

Іс-шараға 30-дан астам Алматы, Жетісу облыстарынан және Алматы қ. ҚХА қоғамдық құрылымдарының (аналар кеңесі, ақсақалдар кеңесі, ЭМБ), «Қоғамдық келісім» КММ, атқарушы және құқық қорғау органдарының өкілдері және мектеп қызметкерлері белсенді қатысты.