Қолданбалы этносаяси зерттеулер институты
толығырақ
Астана, 19 наурыз 2024 ж.
Бүгін ғылыми-зерттеу, талдау және білім беру қызметі саласындағы ынтымақтастық пен өзара іс-қимылды нығайту мақсатында Қазақстан Республикасы Мәдениет министрлігінің Қолданбалы этносаяси зерттеулер институты мен ҚР Ұлттық академиялық кітапханасы арасында ынтымақтастық туралы меморандумға қол қойылды. Құжатқа аталған ұйымдардың басшылары – Талғат Қалиев пен Ғазиза Нұрғалиева қол қойды.
Меморандумға қол қою – Мемлекет басшысының Ұлттық Құрылтайдың «Адал адам – Адал еңбек – Адал табыс» атты үшінші отырысындағы жастардың кітап оқуға деген сүйіспеншілігін оятып, Қазақстанды кітап оқитын елге айналдыру бастамасы шеңберінде жасалып жатыр. Бұл мемлекет пен ұлттың жад қазынасы – кітапхана ісінің жанданып, дамуына тікелей байланысты.
Меморандум әдеби және кітап жинақтарымен алмасуды, ғылыми-танымдық іс-шараларды бірлесіп ұйымдастыруды және қатысуды, сондай-ақ ұлттық бірлік пен келісім саласындағы мемлекеттік саясатты ілгерілетуді қоса алғанда, ынтымақтастықтың кең ауқымын қарастырады. Бұл ынтымақтастық екі ұйымның өзара іс-қимылын нығайтуға ғана емес, сонымен қатар Қазақстан Республикасының қазіргі қоғамдық-саяси өмірінің маңызды салаларындағы ғылыми-зерттеу базасын дамытуға бағытталған.
Меморандумның қолданылу мерзімі шектелмейді, оны кейіннен кеңейту және толықтыру мүмкіндігі қол жеткізілген нәтижелерге және екі тараптың тілектеріне сәйкес қамтамасыз етіледі.
Баспасөз байланысы:
+77053429552
Адилет Амиров
Әдістемелік және оқу бағдарламалары орталығының жетекші менеджері
Қолданбалы этносаяси зерттеулер институты
