Қазақстан Республикасының Ұлттық академиялық кітапханасында "Морис Шамис (Симашко)" мақалалар жинағының тұсаукесері өтті

Іс-шараны ҚР МАМ Қолданбалы этносаяси зерттеулер институты (ҚЭЗИ) және «Мицва» Қазақстанның еврей ұлттық ұйымдарының қауымдастығы бірлесіп ұйымдастырды.

Іс-шараға Қазақстанның еңбек сіңірген қайраткері, ф.ғ.д. Әділ Ахметов, ҚР ПӘ ҚХА Хатшылығы меңгерушісінің орынбасары Леонид Прокопенко, «Мицва» қауымдастығы кеңесінің төрағасы Александр Барон, Астана қаласы ҚХА «Радима» беларусь мәдени орталығының төрағасы Дмитрий Останькович және басқа да ғылым және өнер қайраткерлері қатысты.

Тұсаукесердің модераторлары рөлінде ҚЭЗИ директорының орынбасары, ҚХА ҒСК төрағасы Айгүл Садвокасова, сондай-ақ ф.ғ.к., М.О. Әуезов атындағы Әдебиет және өнер институтының халықаралық байланыстар және әлемдік әдебиет бөлімінің меңгерушісі Светлана Ананьева болды.

ҚР ПӘ ҚХА Хатшылығы меңгерушісінің орынбасары Леонид Прокопенко алғы сөзінде Морис Симашконың шығармашылығы Қазақстанда тұратын этностар арасындағы мәдениетаралық диалог пен өзара түсіністіктің жарқын көрінісі екенін атап өтті. Оның қазақ халқының тарихы мен мәдениетіне арналған шығармалары әлемдік әдебиеттің ажырамас бөлігіне айналды.

Іс-шара аясында ресми түрде көрсетілген «Морис Шамис (Симашко)» мақалалар жинағының үшінші шығарылымында Қазақстан, Ресей, Беларусь, Израиль және басқа да көптеген елдердің зерттеушілерінің жұмыстары ұсынылған. Олар жазушының шығармашылығының әртүрлі аспектілерін, оның қазақ халқының тарихына, мәдениеті мен дәстүрлеріне қатынасын, сондай-ақ қазақстандық әдебиет пен өнердің дамуына қосқан үлесін қарастырады.

Тұсаукесер барысында Морис Симашконың шығармашылығы туралы баяндамалар оқылды. Қазақстанның еңбек сіңірген қайраткері, ф.ғ.д., профессор Әділ Ахметов Морис Симашконың аударма талантын және оның қазақ әдебиетін дәріптеуге қосқан елеулі үлесін атап өтті. Назарбаев университетінің профессоры, ф.ғ.д. Айгүл Исмакова өз сөзінде Ибырай Алтынсарин мен Сұлтан Бейбарыс туралы жұмыстардың мысалдарын келтіре отырып, жазушының шығармаларындағы постколониялық дискурсты талдап, Морис Симашконың қазіргі Қазақстан үшін шығармаларының маңыздылығын атап өтті. Л.Н. Гумилев атындағы ЕҰУ орыс филологиясы кафедрасының доценті, ф.ғ.к. Гүлжан Шашкина Қазақстан мектептерінде "Емшан" повесін оқыту тәжірибесі туралы айтып, Морис Симашкоға арналған өлең оқыды. Балалар жазушысы, ақын, публицист Дария Джумагельдинова Морис Симашконың шығармашылығына терең және көлемді талдау жасады.

«Морис Шамис (Симашко)» мақалалар жинағының тұсаукесері қатысушыларға жазушының шығармаларымен және оның қоғамға үлесімен жан-жақты танысуға мүмкіндік берді, бұл Қазақстанның Халық жазушысының шығармашылығын насихаттау және елдің мәдени мұрасын жаңғырту үдерісіндегі маңызды оқиға.