ҚЭЗИ қызметкерлері Республикалық этномәдени бірлестіктер үшін өз қызметінің презентациясын өткізді

Презентация аясында ҚР АҚДМ Этносаралық қатынастарды дамыту комитетінің төрағасы Шойкин Ғалым Нұрмағамбетұлы мен Қолданбалы этносаяси зерттеулер институтының директоры Қалиев Талғат Бегімұлы алғы сөздер айтты. Олар ҚЭЗИ мен Республикалық этномәдени бірлестіктердің Қазақстандағы этносаралық қатынастар мен мәдениетаралық диалогты дамытуға жәрдемдесудегі бірлескен жұмысының маңыздылығын атап өтті.

ҚЭЗИ қызметінің презентациясы Институт жүргізетін зерттеулер мен жобалардың негізгі бағыттарымен танысуды қамтыды. Қатысушылар ынтымақтастықтың өзекті векторларын талқылады, пікір алмасты және ҚЭЗИ мамандарына сұрақтар қойды.

Қатысушылар іс-шараға оң пікірлер қалдырып, этносаралық интеграция және мәдениетаралық түсінуді дамыту саласындағы ҚЭЗИ мен Республикалық этномәдени бірлестіктер арасындағы ынтымақтастықтың маңыздылығын атап өтті.

Осы кездесудің қорытындысы бойынша Қолданбалы этносаяси зерттеулер институтының және Республикалық этномәдени бірлестіктердің басшылары Қазақстанның этникалық топтары арасындағы коммуникация мен кооперацияны тереңдету бойынша дәйекті және кешенді жұмыс қағидатына өз бейілділігін растады.