Қолданбалы этносаяси зерттеулер институты
толығырақ
Кеңейтілген отырыста Қазақстан халқы Ассамблеясы Хатшылығының, ҚР Ақпарат және қоғамдық даму министрлігінің өкілдері, ҚХА Ғылыми-сарапшылық кеңесі мен Ғылыми-сарапшылық топтарының мүшелері, «Қоғамдық келісім» өкілдері және басқалар қатысты.
Алғы сөзді ҚР ПӘ ҚХАХ меңгерушісінің орынбасары Рыстина Индира Садыбекқызы сөйледі. Қатысушылар мен қонақтарға арнаған сөзінде әлеуметтік әділеттілік жөніндегі дискурсты мазмұнды түрде толтыруда және азаматтық бірегейлікті қалыптастыру арқылы қоғам бірлігін нығайтуда ғылыми-сарапшылық қауымдастықтың маңызды рөлін атап өтті. Олар қоғамдық-саяси ортадағы кең трансформациялық үдерістер қоғамның жалпы құндылықтық бағдарларына негізделуі керектігін атап көрсетті.
Сарапшылар өз сөзінде қазақстандық қоғамдағы азаматтық бірегейлік деңгейін көтерудің маңыздылығы, сондай-ақ бұл үшін қандай жағдайлар жасау керектігін айтты. Қазіргі заманғы ақпараттық кеңістіктегі мемлекеттік органдар жұмысының тиімді нысандары мен әдістері, билік пен қоғам арасындағы сенім мен өзара іс-қимыл деңгейін арттыру үшін бұқаралық ақпарат құралдары мен әлеуметтік желілерде қатысуды дамытудың стратегиялық және тактикалық бағыттары талқыланды. Сарапшылар жастардың сайлау үдерістеріне сенімін арттырудағы оң өзгерістерді атап өтті.
Талқылау барысында Ғылыми-сарапшылық кеңесінің мүшелері азаматтық бірегейлік формуласын анықтауда, әлеуметтік әділеттілікке сұранысты бағалауда және оны қамтамасыз ету әдістерін қалыптастыруда жаңа тәсілдерді іздеуге қатысты ұсыныстарын айтты. Этносаралық қатынастар саласындағы міндеттерді тиімді жүзеге асыру үшін ҚХА сарапшылық қауымдастығының ғылыми әлеуетін ілгерілетудің және кеңейтудің маңыздылығы белгіленді.
