Қолданбалы этносаяси зерттеулер институты
толығырақ

«Бұқаралық коммуникация құралдары және азаматтық бірегейлік»

«Бұқаралық коммуникация құралдары және азаматтық бірегейлік»
2022 жылғы 18 наурызында Қолданбалы этносаяси зерттеулер институтының (бұдан әрі-Институт) этносаяси дискурсы алаңында онлайн форматта «Бұқаралық коммуникация құралдары және азаматтық бірегейлік» тақырыбында сарапшылық кездесу өтті.

Іс-шараға ҚР АҚДМ Этносаралық қатынастарды дамыту комитетінің өкілдері, Қазақстан Республикасы Президентінің жанындағы жастар саясаты жөніндегі Кеңестің мүшелері, профессорлар, телеарна басшылары, БАҚ өкілдері, сондай-ақ ҚХА Ғылыми-сарапшылық кеңесінің, Ғылыми-сарапшылық топтарының, ҚЭЗИ жанындағы сарапшылық тобының мүшелері және басқа да мүдделі сарапшылар қатысты. 

Этносаяси дискурс алаңында сарапшылар азаматтық бірегейлікті қалыптастырудағы БАҚ-тың рөлі, осы бағыт бойынша жастар саясатында бүгінгі күні қандай жобалар көзделген, бұқаралық коммуникация құралдары бойынша азаматтық бірегейлікті дамытудың тәуекелдері мен перспективалары және т. б. сияқты өзекті сұрақтарға жауаптарды тереңірек ашуға тырысты.

Атап айтқанда, «Turkistan» телеарнасының директоры Бағдат Қоджахметов көпшілікті көңіл көтеретін контент тартады және отандық телеарналар шетелдік телеарналармен әлі бәсекеге түсе алмайды деп санайды. Бірақ, БАҚ өкілдері өз тарапынан қызықты әрі пайдалы контентті жасау үшін жұмыс істеуде. Оның айтуынша, Қазақстан азаматтарының азаматтық бірегейлігінің шыңы әлі алда.

Өз кезегінде, Қазақстан Республикасы Президентінің жанындағы жастар саясаты жөніндегі Кеңестің мүшесі Расул Абдуллаев тұлға бірегейлігінің негізгі проблемасы қазақ тіліндегі контенттің жоқтығына негізделеді деп санайды. Оның пікірінше, тіл - бірегейліктің негізгі құралы. Сондықтан бүгінгі таңда білім беру мекемелерінде қазақ тілін үйренуге ерекше назар аудару, оны әлеуметтік желілерде және бұқаралық ақпарат құралдарында кеңінен таратуға ерекше назар аудару маңызды. Сондай-ақ, спикер азаматтық бірегейлікті қолдау үшін Қазақстан тарихын қоғамда белсенді ілгерілету, жастармен ашық коммуникация құру және оны дұрыс медиаконтент құруға ынталандыру қажет екенін атап өтті.

Іс-шара барысында қатысушылар пікір алмасып, талқыланған тақырып бойынша өз пікірлерін білдірді. 

Редактор ИПЭИ

Жаңалықтар