Байланыс

2025 жылғы 10 маусымда Астана қаласындағы Достық үйінде Қазақстан халқы Ассамблеясының Ғылыми-сарапшылық кеңесінің кеңейтілген отырысы өтті. Басқосудың басты тақырыбы – ҚХА-ны 2030 жылға дейін дамыту тұжырымдамасын әзірлеудегі жаңа көзқарастар, ҚХА ҒСК Жас ғалымдар клубының бастамалары және «Қазақстанның ұлттық бірлігі: тарихы, қазіргі жағдайы және жаңа үрдістері» атты ұжымдық монографияның тұсаукесері болды.

2025 жылғы 30 мамырда Қолданбалы этносаяси зерттеулер институтында «Саясаттану» білім беру бағдарламасы бойынша оқитын бакалавриат студенттері мен олардың оқытушысы Елена Леонидовна Нечаевамен таныстыру кездесуі өтті.

2025 жылғы 28 мамырда Қолданбалы этносаяси зерттеулер институты орталық және өңірлік БАҚ өкілдеріне этносаралық қатынастар саласында терминдерді қолдану тақырыбында оқыту семинарын ұйымдастырды. Іс-шара онлайн-форматта өтті және журналистердің этносаяси сауаттылығын арттыруға, сондай-ақ медиакеңістікте этносаралық тақырыпты жауапкершілікпен жариялау мәдениетін дамытуға бағытталған.

Ағымдағы жылдың 1 маусымынан бастап Президенттік жастар кадр резервіне кезекті іріктеу басталады.

2025 жылғы 30 сәуірде Қолданбалы этносаяси зерттеулер институтында «Жаһандану және өңірлену: жаңа геосаяси жағдайдағы Қазақстанның келешегі» тақырыбында дөңгелек үстел өтті. Іс-шара IV Ұлттық құрылтайдың қорытындыларын талқылау аясында ұйымдастырылды.