ҚХА Ғылыми-сарапшылық кеңесінің мүшелері 2023 жылдың 1 тоқсанының қорытындысы бойынша этносаралық жағдайды талқылады

Ағымдағы жылдың 12 мамырында Қолданбалы этносаяси зерттеулер институтының негізінде ҚХА Ғылыми-сарапшылық кеңесінің жұмыс отырысы өтті, оның шеңберінде 2023 жылдың 1 тоқсанының қорытындысы бойынша елдегі этносаралық ахуал бойынша әлеуметтік зерттеу нәтижелері талқыланды.

Іс-шараға ҚР ПӘ Қазақстан халқы Ассамблеясы хатшылығының, ҚР АҚДМ Этносаралық қатынастарды дамыту комитетінің өкілдері, ҚХА Ғылыми-сараптамалық кеңесінің, ҚХА кафедралары қауымдастығының мүшелері және сараптамалық қоғамдастықтың басқа да өкілдері қатысты.

Жұмыс отырысы аясында ҚЭЗИ Этносаралық қатынастарды мониторингілеу орталығының басшысы Гүлдана Окасова 2023 жылдың бірінші тоқсанында жинақталған мәліметтер негізінде зерттеу нәтижелерін ұсынды.

Пікірталас модераторы Қолданбалы этносаяси зерттеулер институтының директоры Талғат Қалиев болды. Ол зерттеудің этносаралық қатынастардың даму динамикасын түсіну және нақты уақыттағы негізгі тенденцияларды анықтау үшін маңыздылығын мен өзектілігін атап өтті. Презентация қатысушылардың қызығушылығын тудырды, бұл ұсынылған нәтижелерді белсенді талқылау мен талдауда көрініс тапты. Сындарлы пікірталас арқылы қатысушылар осы тақырыпқа байланысты өзекті мәселелер мен сын-қатерлерді анықтауға, сондай-ақ осы бағыт бойынша бірлескен жұмыс көзқарасымен алмасуға мүмкіндік алды.