Қазақстан Республикасы Тұңғыш Президент күніне арналған ҚХА Ғылыми-сарапшылық кеңесінің кеңейтілген отырысы

Іс-шараға ҚР Парламенті Мәжілісінің депутаттары, Қазақстан халқы Ассамблеясы төрағасының орынбасары Марат Әзілханов, ҚР АҚДМ Этносаралық қатынастарды дамыту комитетінің төрағасы Ғалым Шойкин қатысты, онлайн түрде ҚХА Ғылыми-сарапшылық кеңесінің және өңірлердің Ғылыми-сарапшылық тобының, ҚХА кафедралары қауымдастығының мүшелері, жас ғалымдар пулы және басқа да сарапшылар қосылды.

Кеңейтілген отырыстың күн тәртібінде жас ұрпақтың құндылықтары, этносаралық қатынастар, қазіргі кезеңдегі ұлттық құрылыс, сондай-ақ ҚХА Ғылыми-сарапшылық кеңесінің міндеттері мен одан әрі жұмысы туралы мәселелер қозғалды.

Назарбаев университетінің қауымдастырылған профессоры, PhD Алима Бисенова қазіргі заманғы қоғамның мәдени кеңістікті айтарлықтай өзгерістері мен өзге көзқарасы туралы атап өтті.

ҚХА ҒСК мүшесі, «Қоғамдық пікір» зерттеу институтының құрылтайшысы, әлеуметтану ғылымдарының кандидаты Ботагоз Ракишева зерттеулердің қорытындыларымен бөлісіп, әр ұрпақтың ерекшеліктері мен құндылықтары туралы әңгімеледі. Оған қоса, «Жастар» ҒЗО директоры Аян Сакошев жастардың құндылық бағдарларын анықтау «Қазақстан жастары» ұлттық баяндамасын дайындау аясында әлеуметтік зерттеулердің назарында екенін атап өтті. Бұл адамдардың осы тобының құндылық бағдарларының динамикасын бақылауға, негізгі тенденциялар мен оның қажеттіліктерін анықтауға мүмкіндік береді.

Қатысушылар отырыстың мәлімделген тақырыптарының қолданбалы және практикалық сипаты терең теориялық тәсілдерді талап ететінін және шешім қабылдау кезінде ғылыми-сарапшылық қоғамдастықтың алдына зерттеу нәтижелерін тиімді пайдалану бойынша ұсыныстар мен ұсынымдар әзірлеу міндетін қоятынын атап өтті.

Сонымен қатар, іс-шара соңында Қолданбалы этносаяси зерттеулер институты мен Л.Н. Гумилев атындағы Еуразия ұлттық университеті арасында ғылыми және білім беру ынтымақтастығы туралы меморандумға қол қойылды.